http://caucasusnow.com Your Truth About Caucasus Fri, 18 May 2012 23:51:36 +0000 en hourly 1 http://wordpress.org/?v=3.0 http://byurie.livejournal.com/547166.html http://byurie.livejournal.com/547166.html#comments Fri, 18 May 2012 23:51:36 +0000 http://byurie.livejournal.com/547166.html
Այս համերգը Բրանդենբուրգում էր` տնիցս ընդամենը կես ժամվա հեռավորության վրա: Բախտս մի այլ կարգի բերել էր, որ երկրորդ շարքի տոմս էի ճարել. բացում եմ կայքը, առաջարկում է տոմս ընտրել: Առաջին շարքերն ամբողջությամբ վաճառված են` բացառությամբ երկրորդ շարքում մեն-մենակ մնացած մի տեղի: Գնում եմ տոմսը, և մի քանի օր անց այն իմ փոստարկղում էր:

Երբ մտանք դահլիճ, հին նվագարկչով Էդիթ Պիաֆ էր հնչում: Հետո պիտի Ջիմմին բեմ բարձրանար ու հայտարարեր, որ պատահական չէ, որ հենց Էդիթ Պիաֆ էր միացած. չէ՞ որ նա էլ է փողոցից սկսել: Օրեր առաջ, երբ գերմաներենիս դասախոսը սովորեցնում էր plattenspieler բառը, ջղայնացած ասում էի` ինչի՞ս է պետք: Իսկ նա պնդեց, որ հաստատ մի տեղ պետք կգա: Ու համերգի ժամանակ լսեցի բեմից, հասկացա, թե ինչ էր ասում Ջիմմին:

Իսկ Ջիմմին բեմ բարձրացավ տնային շորերով: Ամբողջ խումբը բաղկացած էր վեց հոգուց, բայց ավելի քան մեկ տասնյակ գործիք նվագվեց երեկոյի ընթացքում: Մեկը մեկի հետևից իռլանդական երգեր կատարեցին, արանքներում` իսպանական ու ֆրանսիական: Ու հանդիսատեսին արթնացնում էր, տեղից հանում, երգացնում ու պարացնում: Աշխուժություն ապահովողները երրորդ շարքի լեհերն էին, որ իրենց դրոշով թռչկոտում էին, երգում, ծափահարում: Մեկ էլ ես ու կողքիս գերմանացի տարօրինակ տղան էինք ոտքի վրա, որը, ի դեպ, հպարտությամբ հայտարարեց, որ սա իր հարյուր հիսուներորդ Քելլի համերգն է:

Ջիմմիից մեծ ջանք պահանջվեց առաջին շարքում ու ընդհանրապես մնացած տեղում սառած գերմանացիներին արթնացնելու համար, որոնք թարս էին նայում մեզ, իսկ ես գոնե մտածում էի` թքած, ամեն օր համերգ չեմ գալիս, պիտի ուզածիս չափ ուրախանամ:

Բեմը կենդանի էր: Ջիմմիի գեղեցկուհի կինը` Մայքեն, անընդհատ ժպտում էր: Ջութակահարուհին էլ նայում էր մեր ուղղությամբ և ուրախանում` նկատելով, որ ձայնակցում ենք: Էլ չեմ ասում, թե Ջիմմին ինչքան էր հանդիսատեսի հետ զրույցի բռնվում, զոռով ստիպում, որ գոնե լալալա կամ նանանա անեն, մի քիչ էլ պարեն:

Ինձ դուր եկավ Ջիմմիի բռնած ուղին, գուցե ավելի շատ, քան Պատրիսիայինն ու Քեթիինը: Էս անգամ նոստալգիկ վիճակներով մանկությունս չէի հիշում, այլ երազում էի Իռլանդիայի մասին: Ինձ դուր եկավ, որ ի տարբերություն քույրերի, նայում է առաջ, նայում է փողոցային երաժշտի ոգով ու հավատարիմ մնում կելտականին: Քելլիական երգերից միայն երկուսը կատարեց` Cover the Road-ը և Na Na Na-ն, այն էլ` վերջում որպես encore:

Քանի որ համերգի ժամանակ վիդեո-ֆոտո անելն արգելված էր, կիսվում եմ մեկ այլ տեսագրությամբ: Համերգի ժամանակ Ջիմմին առանց կնոջ կատարեց: Իռլանդական հայրենասիրական երգ է:




]]> http://byurie.livejournal.com/547166.html/feed 0 http://queeringyerevan.blogspot.com/2012/05/blog-post_18.html http://queeringyerevan.blogspot.com/2012/05/blog-post_18.html#comments Fri, 18 May 2012 23:15:00 +0000 շուշան ավագյան http://queeringyerevan.blogspot.com/2012/05/blog-post_18.html/feed 0 http://www.armcomedy.com/2012/05/18/armcomedy-020/ http://www.armcomedy.com/2012/05/18/armcomedy-020/#comments Fri, 18 May 2012 08:12:34 +0000 http://www.armcomedy.com/?p=5041 http://www.armcomedy.com/2012/05/18/armcomedy-020/feed 0 http://queeringyerevan.blogspot.com/2012/05/statement-from-agla-new-york.html http://queeringyerevan.blogspot.com/2012/05/statement-from-agla-new-york.html#comments Thu, 17 May 2012 20:00:00 +0000 շուշան ավագյան http://queeringyerevan.blogspot.com/2012/05/statement-from-agla-new-york.html/feed 0 http://armenianleaders.wordpress.com/2012/05/17/real-syunetsy/ http://armenianleaders.wordpress.com/2012/05/17/real-syunetsy/#comments Thu, 17 May 2012 18:59:21 +0000 http://armenianleaders.wordpress.com/?p=1447 ]]> http://armenianleaders.wordpress.com/2012/05/17/real-syunetsy/feed 0 http://byurie.livejournal.com/546875.html http://byurie.livejournal.com/546875.html#comments Thu, 17 May 2012 12:59:02 +0000 http://byurie.livejournal.com/546875.html taregi-ը խորհուրդ տվեց: Հետո, Խրոնինգենի ընկերներիցս մեկը` Դեյվիդը, ստատուս էր գրել` մեջբերում էր արել «Տափաստանի գայլից»: Որ մեկնաբանեցի, սկսեց ինձ նախատել, որ Խրոնինգենից գնացել եմ, որ եթե այնտեղ լինեի, հիմա ես էլ կմիանայի քննարկմանը: Էդպես որոշեցի էնտեղի կարդացող ընկերներիցս հետ չմնալ ու «Տափաստանի գայլը» կարդալ: Դրան գումարած նույն օրերին mar_amirchanyan-ն էլ էր Հեսսեի մասին ինչ-որ բան գրել իր բլոգում: 

Էդպես գիրքը ճարեցի (անգլերեն թարգմանությամբ) ու անցա գործի:

Վաղուց էնպիսի գործ չէի կարդացել, որ էսքան հակասական զգացողություններ առաջացներ: Ամենասկիզբը շատ դուրս եկավ: Հետո սկսեցի ներվայնանալ երկար-բարակ փիլիսոփայություններից, իսկ Հարիի` Հերմինեի հետ հանդիպման պահից սկսվեցին իսկական հակասությունները: Մի կողմից, շատ լավ պատկերացնում էի, թե որտեղից էր գալիս յուրաքանչյուր բառը, ինչ է հեղինակի մտքով անցել էդ պահին: Ավելին` մտածում էի` դա այն գիրքն է, որը գրելու համարձակություն ես չունեմ: Ու հենց դրա համար ահավոր դուրս չէր գալիս, բայց համ էլ ամեն բառի հետ համաձայն էի: Ինձ մոտ միայն Գյոթեն ու Մոցարտը կփոխարինվեին Հեմինգուեյով ու Ջենիս Ջոփլինով: Մյուս կողմից, 20-ականների գրականությունից շատ չէր տարբերվում, իսկ էդ ժամանակաշրջանն ինչ-որ անբացատրելի ձգող ուժ ունի: Մենակ արևելյան փիլիսոփայության մասերն էին մի քիչ ներվայնացնող:

Նախաբանում Հեսսեն գրել էր, որ հաճախ իր գիրքը սխալ են հասկանում, որ այն ոչ թե կործանման, այլ ապաքինման մասին է: Ես արդեն տրամադրվել էի, որ մի սխալ հասկացող էլ ես եմ լինելու, որովհետև հիսուն տարեկան չեմ ու տղամարդ չեմ, բայց այդ ապաքինումը պարզից էլ պարզ էր, ու նույնիսկ զարմացա, որ կան մարդիկ, որոնք դա որպես  կործանում են ընկալել:

Մի հետաքրքիր երևույթ էլ նկատեցի: «Տափաստանի գայլը» կարդալիս անընդհատ այլ գրքեր էին միտս գալիս` սկսած «Փոքրիկ իշխանից», վերջացրած Ամելի Նոթոմբի «Մարդասպանի հիգիենայով»: Երևի կմտածեք` իրարից շատ տարբերվող գրքեր են, ո՞նց եմ նման եզրակացություն արել: Իմ կարծիքով, այդ բոլոր գրքերը մի առանցքային ընդհանրություն ունեն. բոլորն էլ ինքնավերլուծություններ են: 

Մեկ էլ ինչ-որ պահից սկսեցի մտածել, որ Հեսսեն միասեռական է կամ առնվազն միասեռական ֆանտազիաներ է ունեցել ու համարձակորեն արտահայտել է իր գրականության մեջ: Ուղղակի կային դրվագներ, որոնք առանձնապես բան չէին փոխում, բայց, միևնույն է, Հեսսեն չէր խուսափել դրանք ընդգրկելուց: Երբ ինտերնետում մի փոքր հետազոտություն անցկացրի, պարզվեց` սա միակ գիրքը չէ, որտեղ նման դրվագներ կան: Ինչևէ, Հեսսեի սեռական կողմնորոշումն ինձ բնավ չի հուզում: Ուղղակի ազգայնականներին եմ տեղեկացնում. մարդ ես, գուցե ուզենան Հեսսեի գրքերը վաճառող գրախանութներն էլ վառել, որ հայ աղջիկները նրա գրքերը չկարդան:

Այնուամենայնիվ, այսքանով սահմանափակվում եմ Հեսսեով: Գուցե նորից անդրադառնամ նրա գրականությանը, երբ նորմալ գերմաներեն իմանամ:

Հ.Գ. Գիրքն իմ սեփականն է: Ամռանը հետս Հայաստան եմ բերելու: Եթե որևէ մեկը ցանկություն ունի կարդալու, ձայն հանեք:]]> http://byurie.livejournal.com/546875.html/feed 0 http://www.armcomedy.com/2012/05/17/sms/ http://www.armcomedy.com/2012/05/17/sms/#comments Thu, 17 May 2012 12:45:29 +0000 http://www.armcomedy.com/?p=5020 http://www.armcomedy.com/2012/05/17/sms/feed 0 http://byurie.livejournal.com/546623.html http://byurie.livejournal.com/546623.html#comments Thu, 17 May 2012 10:44:06 +0000 http://byurie.livejournal.com/546623.html
Սկսենք նրանից, որ DIY-ը միասեռականների ակումբ չէ: Այնտեղ գնում են նաև ավանդական սեռական կողմնորոշում ունեցող մարդիկ: Ճիշտ է` ես ինքս այնտեղ չեմ եղել, բայց բոլորովին պատահաբար է ստացվել, որովհետև ընկերներիցս շատերի համար DIY-ն Երևանի այն քիչ ոչ ռաբիզ վայրն է, որտեղ կարող են երեկոները հավաքվել, մի բան խմել ու զրուցել: Բայց եթե նույնիսկ միասեռականների ակումբ լիներ...

Եկեք հասկանանք, որ միասեռականությունը հիվանդություն չի համարվում (հիվանդությունների միջազգային դասակարգման մեջ չկա), վարակիչ չէ: Հոմոսեքսուալիզմը բիսեքսուալիզմի ու հետերոսեքսուալիզմի հետ համարվում է մարդու նորմալ սեռական կողմնորոշումներից մեկը, հետևաբար միասեռականները «շեղված» չեն, ուղղակի տարբեր են ավանդական սեռական կողմնորոշում ունեցողներից:

Տարբեր քննարկումներում հաճախ տեսել եմ, որ գրեն. «Մեր ազգին չի սազում: Դրանք որտեղի՞ց էկան» և այլ նմանատիպ (ավելի կոպիտ) արտահայտություններ: Չեմ հասկանում` մենք լուսնից իջա՞ծ ենք: Միասեռականությունը նոր երևույթ չէ, այն միշտ էլ գոյություն է ունեցել: Ավելին` այն կա նաև կենդանիների աշխարհում: Ու եթե սազականության մասին խոսենք, շարքը կարելի է անվերջ շարունակել. բա կեղծված ընտրությունները մեզ սազակա՞ն են, բա կոլոտ մարդիկ մեզ սազակա՞ն են, բա անգրագիտությունը մեզ սազակա՞ն է:

Քննարկումներում հաճախ նաև ինչ-որ օրինակներ էին բերում: Օրինակ, ինչ-որ միասեռական բռնաբարել է տասնմեկ տարեկան տղայի: Կարևոր է այստեղ հասկանալ, որ դա ոչ թե միասեռականության, այլ մանկապղծության դրսևորում է, ու դա ոչ միայն նորմայի տարատեսակ չէ (գրանցված է հիվանդությունների միջազգային դասակարգման մեջ), այլև քրեորեն հետապնդելի արարք է: Այդ մեկնաբանության հեղինակին կուզեի հարցնել. եթե աղջկա բռնաբարեր, նորմա՞լ կհամարվեր:

Օրինակներից մեկն էլ այն է, որ ինչ-որ տղամարդ մոտեցել է մեկ այլ տղամարդու ու «տգեղ» առաջարկ արել: Հետևում է հայհոյանքների տեղատարափը, ու որ նրանք պիտի չմնան մեր երկրում: Իսկ գիտե՞ք, թե օրը քանի տղամարդ մոտենում է աղջիկներին ու նման «տգեղ» առաջարկներ անում: Թե՞ դա ձեզ չի անհանգստացնում. միասեռական կապ նման դեպքում լինել չի կարող: Անձամբ ինձ չի անհանգստացնում, քանի դեռ հարցը բռնության չի հասել: 

Ցնցվում եմ նաև, որ այս բոլոր քննարկումներում որոշ ազգայնականները գրում են լատինատառ հայերենով, ու երբ նրանց զգուշացնում են այդ մասին, հայհոյանքների նոր շարք է սկսվում: 

Ինձ զարմացնում է ագրեսիան, որով մարդկանց որոշ խումբ արդարացնում է DIY-ը պայթեցնողներին: Զարմացնում է նրանց անհանդուրժողականության աստիճանը: Իսկ դա կարող է շատ վատ հետևանքներ ունենալ: Կարծում եմ` խնդիրն այն է, որ այդ մարդիկ չեն սովորել հանդուրժել նրանց, ովքեր իրենց նման չեն, իսկ դա վաղը-մյուսօրը կարող է ոչ միայն սեռական կողմնորոշման, այլև մաշկի գույնի, կրոնական պատկանելության, քաղաքական կողմնորոշման, անգամ գրական նախասիրությունների վրա տարածվել: Ավելին` չի բացառվում, որ դատարկ փաբը պայթեցնելուց այլ գործողությունների էլ անցնեն, ինչը կարող է շատ վտանգավոր լինել: ]]> http://byurie.livejournal.com/546623.html/feed 0 http://leretourin3parts.blogspot.com/2012/05/armenia-state-officials-public-figures.html http://leretourin3parts.blogspot.com/2012/05/armenia-state-officials-public-figures.html#comments Thu, 17 May 2012 00:37:00 +0000 Adrineh http://leretourin3parts.blogspot.com/2012/05/armenia-state-officials-public-figures.html/feed 0 http://www.armcomedy.com/2012/05/16/bhk-2/ http://www.armcomedy.com/2012/05/16/bhk-2/#comments Wed, 16 May 2012 13:31:25 +0000 http://www.armcomedy.com/?p=4994 http://www.armcomedy.com/2012/05/16/bhk-2/feed 0 http://norayr.livejournal.com/571070.html http://norayr.livejournal.com/571070.html#comments Tue, 15 May 2012 13:53:19 +0000 շուշան ավագյան http://norayr.livejournal.com/571070.html Այսօր ժամանակ եմ գտել ու հրապարակել եմ Նաիրի, Հրազդան եւ Մասիս համակարգիչների ձեռնարկները։ Ի դեպ, սքան արած տիֆ ֆայլերից սարքել եմ պդֆ այսպես՝ set -x list=`ls *.tif` for i in $list do j=${i%%.*} convert -rotate 90 $i ${j}.png done convert [...]

Այս տեքստը ամբողջությամբ հրապարակված է մատեանում։ Անցեք հղումով շարունակության համար, ու մեկնաբանեք այնտեղ։]]> http://norayr.livejournal.com/571070.html/feed 0 http://armenianleaders.wordpress.com/2012/05/15/life-is-an-opportunity/ http://armenianleaders.wordpress.com/2012/05/15/life-is-an-opportunity/#comments Tue, 15 May 2012 09:57:37 +0000 http://armenianleaders.wordpress.com/?p=1438 ]]> http://armenianleaders.wordpress.com/2012/05/15/life-is-an-opportunity/feed 0 http://www.armcomedy.com/2012/05/15/armcomedy-019/ http://www.armcomedy.com/2012/05/15/armcomedy-019/#comments Tue, 15 May 2012 04:57:07 +0000 http://www.armcomedy.com/?p=4989 http://www.armcomedy.com/2012/05/15/armcomedy-019/feed 0 http://armenianleaders.wordpress.com/2012/05/14/following-the-vision/ http://armenianleaders.wordpress.com/2012/05/14/following-the-vision/#comments Mon, 14 May 2012 17:53:46 +0000 http://armenianleaders.wordpress.com/?p=1426 ]]> http://armenianleaders.wordpress.com/2012/05/14/following-the-vision/feed 0