Your Truth About Caucasus
NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`
Այս շարքով սկսում ենք հայտնի կառույցներին առաջարկել այլընտրանքային կարգախոսներ, որոնք մեր սեփական փորձից են գալիս: Առաջին մասում անդրադառնում ենք բոլորիս ծանոթ բիզնեսներին: Ինչպես միշտ, ոչ մի վարավորելու ծանկություն չունենք, պարզապես հուշում ենք ինչպես կարելի է բարելավել մենեջմենթը:
.
.
NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`
NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`
Զուգարանաշինությունը կխթանի տնտեսությունը, կստեղծի նոր աշխատատեղեր
ԵՐԵՎԱՆ – Շաբաթվա սկզբին մեծ աղմուկ բարձրացավ մամուլում բացահայտված այն փաստաթղթերի շուրջ, որոնց համաձայն՝ կառավարությունը 2010թ. 100 միլիոն դրամ է հատկացրել զուգարաններ ձեռք բերելու համար: Կառավարությունը արձագանքել է քննադատներին՝ նշելով, որ «նոր զուգարանները ռազմավարական նշանակություն ունեն զբոսաշրջության զարգացման և Հայաստանի Հանրապետության միջազգային իմիջի համար»:
Կառավարության կայքում զետեղված պաշտոնական որոշումը և զուգարանների ձեռքբերման պայմանագիրը լուրջ անհանգստություն է առաջացրել Հայաստանի թերսնվող 35 տոկոս բնակչության շրջանում:
«Ախր, ով ա այդքան զուգարան գնում մեր երկրում»,– նշում է թոշակառու Վալենտին Չուտոյանը, Խնձորեսկ գյուղից: «Մեր մարզը տարեկան այդքան նույնիսկ հաց չի ուտում, էլ ուր մնաց… Էդ ինչ-որ եվրոպաների պահա՞նջ ա»:
Հասարակության տարբեր զանգվածներ արդեն պիտակավորել են գործարքը՝ որպես անթույլատրելի շռայլություն, ինչին, սակայն, համաձայն չէ կառավարությունը.
«Հասկանում ենք, որ անպատրաստ աչքի համար հարյուրմիլիոնանոց զուգարանը կարող է չափազանց շքեղ թվալ, բայց կան բաներ, որոնց վրա խնայել չի կարելի»,– հայտարարել է Քաղաքաշինության նախարարության բնակարանային կոմունալ գլխավոր վարչության զուգարանների բաժնի առաջատար մասնագետ Զարզանդ Կճոյանը:
Զուգարանաշինությունը մեծ ոգևորություն է առաջացրել բնակչության մոտ
«21-րդ դարի Հայաստանը պետք է ձգտի դառնալ զուգարանների տարածաշրջանային առաջատար: Եվ հարցը միայն տարողունակ պաշտոնյաների համար զուգարանի ընդլայնումը չէ: Ժամանակակից զուգարանը նաև լուծում է զբոսաշրջության հարցը: Եթե մենք կարողանանք ստեղծել մեր նախատեսած որակի զուգարանը, մարդիկ ֆրանսիաներից ու ղազախստաններից կուզենան գալ, որ մի քանի րոպե վայելեն մեր շքեղ և բազմադարյա մշակույթի ազդեցությունը կրող զուգարանները»,– ասել է նա:
«Ավելին՝ չնայած զուգարանի շինարարության աշխատանքը դեռ վերջնական ավարտված չէ, բայց Երևանն արդեն հասցրել է առաջարկներ ստանալ Պյատիգորսկի, Քիշնևի և Մագադանի քույր քաղաք դառնալու»,– ասել է Զարզանդ Կճոյանը:
Կառավարությունը վստահեցնում է, որ նոր զուգարանը իր գրավչությամբ կարող է մրցակցել Գառնի-Գեղարդի հետ և դառնալ էկոտուրիզմի հզոր կենտրոն: «Որքան կարելի է գրավել զբոսաշրջիկներին մեր հին ու հոգնած Գառնի-Գեղարդով», – նշել է պաշտոնյան: «Մարդկանց պետք է ավեի ինտերակտիվ, ավելի անմիջական զբաղմունք, ինչպիսին է մեգազուգարանը»:
Նախնական տվյալներով՝ հսկա էլիտար զուգարանի կառուցման համար կառավարությունը հատկացրել է Գեղարքունիքի մարզի կեսը՝ արևելյան հատվածը, որտեղ կտեղակայվի նաև զուգարանից գոյացած պոչամբարը:
«Չորս տոննա թուրք արդեն նստացրել ենք դեպի Լիոն գնացող նավ», – Էրդողան
Ֆրանսիայի Սենատի` ցեղասպանությունների ժխտումը քրեականացնող վերջին օրինագիծը կարող է լուրջ հակահարված ստանալ Թուրքիայի կողմից: Թուրքիայի վարչապետն արդեն խոստացել է Ֆրանսիայի դեմ կիրառել իր ամենաքայքայիչ զենքը` թուրք միգրանտներին:
Թուրքիան արդեն լայնածավալ աշխատանքներ է սկսել առավել խուլ գյուղերի մարդկանց նախապատրաստելու ուղղությամբ: Պատժիչ ծրագրի առաջին փուլը նախատեսում է Ֆրանսիայի առավել խոշոր քաղաքներ առաքել ամսական1000-1500 թուրք:
«Մենք չենք սկսել այս կռիվը, բայց մենք տակ չենք մնա»,- հայտարարեց Ռեջեփ Էրդողանը` հավելելով. «Մինչև մարտ մենք նախատեսում ենք Թուրքիա արտահանել մինչև 3 տոննա թուրք, որոնք կանեն այն, ինչ արդեն քանի տարի է` անում են Գերմանիայում և Նիդեռլանդներում` սարսափելի տհաճ կդարձնեն սովորական ֆրանսիացիների կյանքը»:
Մի շարք երկրներ դատապարտել են Թուրքիայի քայլը` այն անվանելով չափազանց անհամաչափ ու անմարդկային արձագանք Սենատի որոշմանը: Եվրահանձնաժողովի նախագահ Մանուել Բառոզուն թուրք գործընկերներին կոչ է արել վերանայել իրենց որոշումը:
«Կարծում եմ մի կես տոննայով էլ կարելի էր մեսիջը տեղ հսացնել,» – Բարոզու:
«Հասկանում եմ մեր թուրք գործընկերների զայրույթը, սակայն կարծում եմ` մեկ օրենքի հետ չհամաձայնելու պատճառով ամբողջ Եվրոպան մխտառելը ճիշտ չէ»,- նշել է Բառոզուն:
Գերմանիան, իր հերթին, Էրդողանին առաջարկել է պատժիչ գաղթի համար օգտագործել թուրքերի գերմանաբնակ զանգվածները` հաշվի առնելով տվյալ թուրքերի առավել բարձր մխտառիչ պոտենցիալը:
«Ինչո՞ւ բերել հասցնել անվարժ թուրքերի ինչ-որ գյուղերից, եթե մեզ մոտ` Եվրոպայի կենտրոնում, արդեն կա թուրքերի կրիտիկական զանգված, որոնք ունակ են լիարժեք փչացնելու ֆրանսիացիների կյանքը: Պարզապես պետք է դիմել մեզ: Մենք սիրով կփոխանցենք 40-50 տոննա թուրք ֆրանսիական կողմին»,- նշված է Բունդեսթագի մամլո հաղորդագրությունում:
Ֆրանսիան առայժմ չի արձագանքել սպառնալիքին, սակայն փորձագետները կարծում են, որ ֆրանսիացիները կարող են արգելել քյաբաբի բացօթյա վաճառքը, ինչը թույլ չի տա ներգաղթել ավելի քան տարեկան կես տոննա թուրք:
NewsՀաբի հերթական վեբիզոդը պատրաստ է: Subscribe եղեք նաև <a href=”http://www.youtube.com/user/CivilNetTV”>CivilNet.TV- ալիքին Youtube-ում </a>թողարկումները բաց չթողնելու համար: Դիտեք այս թողարկման մեջ`
Կուսակցությունները ժողովրոդին կներկայացնեն միայն լավագույն խոստումները
Հայաստանի տարածքում գործող քաղաքական կուսակցությունները հայտարարել են, որ Ազգային ժողովի ընտրությունների շեմին կարող են խոստումների ծավալը և մասամբ որակն ընդլայնել 20-30 տոկսով: Կուսակցությունները արդեն սկսել են հրապարակել ակնկալվող խոստումների ուղղությունը, ոճը և բարելավման առանձնահատկությունները:
Խոստումների ամենա հզոր ալիքը սպասվում է «Օրինաց երկիր» կուսակցությունից, որն ունի վարկանիշի և ռազմատենչ հակակրանքի խնդիր: Կուսակցության անդամ, պատգամավոր Հովհաննես Մարգարյանի պնդմամբ՝ ՕԵԿ-ի թարմացրած խոստումները դուր կգան նույնիսկ ամենաբծախնդիր ընտրողին:
«Մենք չենք փորձում մարդկանց հիմարացնել տարբեր ճղճիմ և անարդյունավետ խոստումներով, քանի որ 21-րդ դարի ընտրողն այդքան հեշտ չի խաբվում դրանցով: ՕԵԿ-ը շատ ավելի հզոր կառույց է խոստումների հարցում և ունի հմուտ խոստամշակ մասնագետներ և լեզվաբաններ» – ասել է Մարգարյանը:
Կուսակցությունները ժողովրդին կներկայացնեն միայն լավագույն խոստումները:«Օրինակ՝ ինչպե՞ս կարող է քաղաքացին մեզ չընտրել, եթե խոստանանք, որ կես տարվա ընթացքում Հայաստանի ՀՆԱ-ն կմեծացնենք 300%-ով, կամ որ «Իքս պյատ» խոստանանք ամեն չափահաս քաղաքացու, կամ որ դասավորելու ենք աշխատանքի և ապահովելու ենք բնակարանով Սիբիրի գեղեցիկ քաղաքներից մեկում: Ի դեպ՝ վերջինը իրական խոստում է»- մանրամասնել է ՕԵԿ-ի անդամը:
«Հնարավոր է էլեգանտ կերպով համատեղենք գեղեցիկ խոստումները, վարչական ռեսուրսի հետ,»- Զոհրաբյան:
ՀՀԿ-ն առայժմ չի ներկայացրել իր խոստազամբյուղի առանձնահատկությունները, սակայն հանրապետականները վստահեցնում են, որ իրենց խոստումները չեն զիջելու ՕԵԿ-ին՝ ո՛չ գրավչությամբ, ո՛չ իրատեսականությամբ:
ՀՀԿ փոխնախագահ Ռազմիկ Զոհրաբյանը հայտարարել է, որ 15%-ից ավել խոստումներն ընդլայնելու կարիք իրենք չունեն: «Բնականաբար, մենք ևս ավելի համոզիչ և մարդու քեֆ բերող խոստումների փաթեթով ենք հանդես գալու, բայց վարչական ռեսուրսի պահը չեզոքացնում է ավելի բարդ խոստումներ տալու կարիքը»,– ասել է նա:
«Բարգավաճ Հայաստան»-ը հակիրճ է ձևակերպել իր գալիք խոստումնապնակի ցանկը՝ յուրաքանչյուր քաղաքացու մեկ առյուծ և ամեն ընտանիքի՝ մեկական թիկնապահ:
«Չեմ բացառում, որ խոստումնապաշարը կարող է լրացուցիչ ընդլայնվել ընտրապայքարի վերջին շաբաթվա ընթացքում»,– ասել է ԲՀԿ պատգամավոր Վարդան Բոստանջյանը՝ հավելելով, որ դա կարող է արվել հասարակական պահանջի կամ ընտրազանգվածի կամակորության պարագայում:
Հոգեբան և քաղաքական էնտուզիաստ Կարինե Նալչաջյանը քննադատաբար է մոտենում խոստումների հայտարարված ծավալին: Քաղհոգեբանի կարծիքով՝ բնակչության մոտ կա ավելի «մեծ և լիցքաթափող» խոստումների պահանջարկ, ինչպես նաև «հոգեբանական զգուշացումներ»:
«Ինչու մեծացնել խոստումներն ընդամենը 20-30 տոկոսով, եթե մարդկանց մոտ կա այդքան հիասթափություն և ապաքաղաքական տրամադրություններ: Մարդկանց այսօր խիստ անհրաժեշտ են ավելի ուտոպիստական խոստումներ՝ բարձր աշխատավարձ, Եվրոպայում ամեն ամառ հանգստանալու հնարավորություն և iPhone 4s կամ գոնե Samsung Galaxy»,– բացատրել է հոգեբանը:
«Հնարավոր է՝ էլեգանտ կերպով համատեղենք գեղեցիկ խոստումները վարչական ռեսուրսի հետ»,– ասել է Ռազմիկ Զոհրաբյանը:Հովսեփ Խուրշուդյան. «Փորձենք նվազեցնել խոստումների ազդեցությունը էկոլոգիայի վրա»:«Մյուս կողմից՝ չի կարելի մոռանալ նաև սպառնալիքների հոգեբանական ազդեցության մասին: Կարելի է նաև, չեմ ասում ակնհայտ, բայց թեթև ակնարկել ժողովրդին, որ եթե ձեզ չընտրեն, դա կարող է հանգեցնել ինչ-ինչ դժբախտ պատահարների՝ չընտրողի հարազատների շարքում: Ցավում եմ, որ հայ քաղտեխնոլոգները չեն կիրառում երկրորդ սերնդի ներազդեցության գործիքը՝ հոգեբանությունը»,– եզրափակել է հոգեբանը:
«Փորձենք նվազեցնել խոստումների ազդեցությունը էկոլոգիայի վրա,» – Խուրշուդյան
Հայ ազգային կոնգրեսն ընտրել է անհատական խոստումնային մարտավարություն: Լևոն Զուրաբյանն այն բնութագրում է որպես վերջնագրի հետ ոչ մի կապ չունեցող խոստում. «Կա՛մ ժողովուրդը կընտրի ՀԱԿ-ին, կա՛մ տեղի կունենա ՀԱԿ-ի և ժողովրդի վերջնական ջրբաժան: Եթե քաղաքացիներն այդքան ֆայմ ու քթի ծակ չունենան, որ ընտրեն միակ ճիշտ ուժին՝ մեզ, ապա մենք կարող ենք վերանայել ժողովրդի նկատմամբ մեր մոտեցումը»:
Բավական անսպասելի խոստումնահարթակով է հանդես եկել «Ժառանգություն» կուսակցությունը: «Մենք անկեղծ հիացած ենք մեր գործընկերների աշխատանքով խոստումնաշինության հարցում,– ասել է կուսակցության խոսնակ Հովսեփ Խուրշուդյանը և հավելել:– «Ժառանգություն»-ը միայն խոստանում է անել այնպես, որ մեր գործընկերների խոստումները հնարավոր լինի իրականացնել առանց պիսկելու ՀՀ ֆլորայի և ֆաունայի 90%-ը»:
Դաշնակցությունն էլ պատրաստվում է խոստումների ծավալը համապատասխանեցնել վերջին հինգ տարիների գնաճին՝ 37 տոկոս: «Մեր հիմնական խոստումների շեշտը լինելու է, բացի Արևմտյան Հայաստանի հողերի վերադարձից, Կիլիկիայի թագավորությունը վերականգնելը»,– ասել է կուսակցության անդամ, ԱԺ պատգամավոր Ալվարդ Պետրոսյանը:
Խոստումների հարցում և ընտրություններին մասնակցելու հարցում առայժմ չի կողմնորոշվել «Ազատ դեմոկրատներ» կուսակցությունը, որը չի բացառում ընդդիմադիր ուժերից մեկի խոստումնացանկին միանալը:
Մինչ քաղաքական ուժերը պատրաստվում են ընտրություններին, աղբյուրները հաղորդում են, որ խոստումների մշակման և զանգվածային խոշորացման աշխատանքներին հրավիրվել են ՀՀ և ԱՊՀ լավագույն լեզվաբանները, որոնց խոստացել են բնակարան, առյուծ, հողեր և այլն:
NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`
2 կաթիլի պես նման են
Ամեն տարի Լաս Վեգասում անցկացվում է Վլադիմիր Պուտինի նմանակների մրցույթ: Ռուսաստանի նախկին նախագահին նման և ոչ այդքան նման մարդիկ մոլորակի բոլոր անկյուններից հավաքվում են` իրենց ուժերը փորձելու Putin Impersonation Tournament հեղինակավորոտ մրցույթում: Այս տարի Հայաստանը (կամ Ռուսաստանը. մասնակիցը դեռ վերջնականապես չի կողմնորոշվել) կներկայացնի ԱՊՀ երիտասարդական բարիդրացիականության, «Ռուսաստան Forever» հասարակական կազմակերպության, «Անդրանիկը Պուտինին շատ նման է» քաղաքացիական նախաձեռնության և բուհերի ակտիվ ուսանողների ամենասիրված ինչ-որ ոլորտի գործիչ Անդրանիկ Նիկողոսյանը:
Մասնագետների կարծիքով` Նիկողոսյանը Պուտինին շատ նման չէ. չի փրկում նույնիսկ շատ նման սանրվածքը: Սակայն ժյուրիի պատվավոր անդամ Թոմաս Հոքինսը ոչինչ չի բացառում. «Ես հիշում եմ` ինչպես 2004թ. չինացի մի երիտասարդ հաղթեց Էլվիս Պրեսլիի նմանակների մրցույթում: Ոչինչ չի կարելի բացառել»: Լավատեսությամբ է լցված նաև «Անդրանիկ Նիկողոսյանի բարեկամներ» ինքնաբուխ նախաձեռնությունը. «Երկրորդ Պուտինն ա մեր Անդրանիկը: Անհնար է նա չհաղթի. մենք դա ասում ենք ոչ թե որ նրա մտերիմներն ենք, այլ… չէ, մի րոպե, հենց դրա համար էլ ասում ենք»:
Ինքը` Նիկողոսյանը, իր շանսերը նույնպես բարձր է գնահատում: «Ես մի պահ երկմտում էի` Պուտինի՞ն եմ ավելի նման, թե՞ Չէգեվառին: Սակայն վերջը հասկացա, որ Պուտինին»: Նմանակը նաև նշեց, որ անկախ մամուլն էլ է կանխատեսում նրա հաղթանակը` «Gazeta.am-ից սկսած, maxinfo.am-ով վերջացրած: Բոլորը իմ մասին են գրում, բոլորը կարծես իմ մտքերն են կարդում:» Մեր հարցին` միթե՞ այդ կայքերը հենց իրեն չեն պատկանում, ապագա Պուտինը բան չպատասխանեց և փոխեց թեման:
Պուտինի նմանակների մրցույթն անցկացվում է ամեն տարի. մասնակիցներն իրենց ուժերն են փորձում զուգարանում սատկացնելու, գազ փակելու, նավթ վաճառելու և ընտրություններ կեղծելու մրցափուլերում: Նիկողոսյանը խոսք տվեց հաղթելու դեպքում մրցանակի գումարն օգտագործել Հայաստանում Պուտինի ֆան ակումբներ ստեղծելու համար: «Պուտին club. ցանկացած հայ երիտասարդ կկարողանա քննարկել այնտեղ Պուտինի պրոֆեսիոնալիզմը, փայլատակումները և ընդհանուր հոյակապությունը», – նշեց Նիկողոսյանը: Մտահաղացումն արտահայտելուց 3 ժամ առաջ այն արդեն սատարել է «Չենք թաքցնելու» նախաձեռնությունը, «Անդրանիկ Նիկողոսյանի հիմնադրամ» Անդրանիկ Նիկողոսյանի հետ կապ չունեցող հիմնադրամը և Հայաստանի «Շատ վատ PR» ասոցիացիան:
NewsՀաբի հերթական վեբիզոդը պատրաստ է: Subscribe եղեք նաև CivilNet.TV- ալիքին Youtube-ում թողարկումները բաց չթողնելու համար: Դիտեք այս թողարկման մեջ`
ArmenPress-ի օրիգինալը
Երեկ ինտերնետներում հայտնվեց ArmenPress-ի ահա այս լուսանկարը: ՀՀ Կրթության և գիտության նախարար Արմեն Աշոտյանը հայտարարեց, որ եկել է Երևանի ճարտարապետության և շինարարության ու Հայաստանի պետական ճարտարագիտական համալսարանների պատերը քանդել:
Նկարը այնքան լավն էր, որ այն չֆոտոշոփել չէր կարելի: Դե մենք էլ նման հոյակապ նկար տեսնելով, չդիմացանք ու միացրեցինք ֆոտոշոպը: Սենց մի բան ստացվեց:
Էդվին Շարմազենկո. «Մենք կանենք ամեն ինչ, որ ժողովուրդը ոչ մի լցոնում, ոչ մի խախտում և ոչ մի խարդախություն չնկատի»:
Գալիք խորհրդարանական ընտրությունների շուրջ բարձրացված աղմուկը և կասկածները փարատող հայտարարությամբ է հանդես եկել Հանրապետական կուսակցությունը: Կուսակցության խոսնակ և ԱԺ փոխխոսնակ Էդվին Շարմազենկոն վստահեցնում է, որ 2012թ. մայիսի ընտրությունները լինելու են «լավագույնը Հայաստանի պատմության մեջ»:
Երեքշաբթի հրավիրված ասուլիսին ՀՀԿ խոսնակը դեմքի լուրջ արտահայտությամբ և մի բաժակ ալյուր խնդրող հարևանի դեմքի ջերմությամբ ներկայացրեց իր կուսակցության ծրագրերը առաջիկա ընտրությունները չկեղծելու վերաբերյալ:
«Կարծում եմ՝ բոլորի համար հասկանալի է, որ Հայաստանի և մեր կուսակցության շահերից է բխում խորհրդարանական ընտրությունները կազմակերպել ամենատպավորիչ մակարդակով: Ես պաշտոնապես վստահեցնում եմ, որ մենք կանենք ամեն ինչ, որ ժողովուրդը ոչ մի լցոնում, ոչ մի խախտում և ոչ մի խարդախություն չնկատի: Էլ չեմ խոսում ԵԱՀԿ-ենց մասին. նրանք ընդհանրապես չեն զգա, թե ինչ է կատարվում,»- նշեց Շարմազենկոն:
Ընդդիմությունը կասկամտորեն արձագանքել է իշխանության հայտարարությանը. «Իհարկե, զգացվում է մեծ աշխատանքը, որը կատարել է ՀՀԿ-ն՝ խոստումը ձևակերպելու և ներկայացնելու վրա, սակայն մեզ, միևնույն է, ավելի շատ դուր են գալիս նրանց 2007թ. և 2003թ. խոստումները: Այն ժամանակ մի տեսակ ավելի աստղով էին խոստանում,» – նշեց Լևոն Զուրաբինը:
«Թե՛ միմիկայի, թե՛ ժեստիկուլյացիայի առումով՝ նախորդ ընտրություններից առաջ ավելի հաջող և ներշնչող էին խոստանում որակյալ ընտրություններ: Իսկ այս անգամ մենք կուզենայինք տեսնել ավելի շատ խոստումներ ընտրությունների արդարության և թափանցիկության թեմայով»:
Քաղաքագետ Արթուր Ավթանդիլենկոն վստահ է, որ ՀՀԿ-ն կարող էր ավելի հաջող հանդես գալ խոստումների հարցում: «Կարծում եմ՝ ավելի տպավորիչ խոստում ներկայացնելու համար հանրապետականները պետք է առնվազն երեք հոգով հանդես գային ասուլիսին, և լավ կլիներ, որ նաև երդվեին Նժդեհի արևով»,– ասաց նա:
Ինչպես կարելի է նայել նրա աչքերի մեջ և չհավատալ?… ախր շատ համով էր խոստանում…
«Ամեն դեպքում Շարմազենկոյի հոգեսույզ հայացքը իր համոզիչ գործը կանի, բայց կարծում եմ՝ ժողովուրդը հասունացել է շատ ավելի ինտերակտիվ և խոշոր խոստումների համար»,- նշեց քաղաքագետը:
44 տարեկան գրադարանավարուհի Աննա Մարզպետյանն էլ հուզվել է Շարմազենկոյի խոսքից: «Անկեղծ ասած՝ ես արտասվեցի, երբ Շարմազենկոն նայեց կամերայի մեջ իր անկեղծ, շիտակ աչքերով և ասաց՝ «Չենք կեղծելու»… մայրիկս, որը կողքի սենյակում նայում էր «Աննա» սերիալը, արագ վազեց մոտս, և երկուսով սկսեցինք հալչել ՀՀԿ խոսնակի սևեռուն հայացքի ջերմության տակ»,- ասաց նա:
ՀՀԿ նախընտրական շտաբի պետ և ԱԺ նախկին նախագահ Հովհաննես Աբրահամյանը մեր թղթակցի հետ զրույցում կիսվեց նախընտրական պլանների առանձնահատկությամբ: «Տեսե՛ք, այս տարի իրոք մենք չունենք ընտրությունների կեղծման որևէ հստակ ձևակերպված ծրագիր: Գիտեմ, որ դժվար կլինի հավատալ, բայց ես՝ որպես մարդ, խնդրում եմ՝ հավատաք… այս անգամ իրոք առանց կեղծելու ենք հասնելու ջախջախիչ 53-տոկոսանոց հաղթանակի», – ասաց նա:
Մեր լրագրողի այն հարցին, թե արդյոք պատրաստ է երդվել իր 3-4 առավել մոտ ազգականների արևով, որ ընտրությունները չեն կեղծվելու, պարոն Աբրահամյանը պատասխանեց՝ ո՛չ:
Recent Comments